|
مهلت ارسال اثر به جشنواره آنامین یایلیقی پایان یافت .
حورمتلی دوستلارماکو شهرینین باره سینده بیلگی ایسته سنیز لینکلرده ماکو(قالایا) باش وورون hörmətli doslar maku şəhərinin barəsində bilgi istəsəz linklərdə maku galanı tikləyın
آنالار گونو بوتون قایغی کش آنالاریمیزا مبارک اولسون
آی آنا
قیزیل پرده آچیب قیرمیزی گونش
چکیلین بولودلار چکیلین یانا
ایللردی بو آنین حسرتینده یم
حیاتین نئشه سی یایلسین جانا الیین اوپمه یه گلیره م آنا
..............................
هله حسرتیندن سینه داغلیام
هله اوشاق کیمی سنه باغلیام
گلمیشم دردیمی دئیه م آغلیام
گوز یاشی پایلیام بوتون جهانا
الیین اوپمه یه گلیرم آنا
...........................
عومرومون یازیدا یایی دا سن
سن
گونشی ده سن سن آیی دا سن سن
تانری نین ان بویوک پایی دا
سن سن
دنیا بیر یانادی سنده بیر
یانا
الیین اوپمه یه گلیرم آنا
................................
گنجه ظلمتی نی یئره سر نده
یوخونو ائله دین اوزوین بنده
آغاران زولفویون آچیب هورنده
دییشمه رم سنی یوز مین جانانا
الیین اوپمه یه گلیرم آنا
............................
بیر سنی سئویرم بیرده وطنی
اونودا بیلمه رم حیاتدا سنی
باغشلا باغشلا باغشلا منی
دردیم وار گلیرم سنه درمانا
الیین اوپمه یه گلیرم آنا
..........................
هانی گئچمیشده کی آتا اوجاغی
هانی لای لای سسی آنا قوجاغی
گوزلریمده توتور اوشاقلیق چاغی
اونو آختاریرام من یانا یانا
الیین اوپمه یه گلیرم آنا
...........................
بیلمم بو نه سئردی بو نه هوس دی
آدین گلن کیمی اوره گیم اسدی
سنین محبتلی باخیشین بسدی
اوزونو بیله نه سوزو قانانا
الیین اوپمه یه گلیرم آنا
.........................
ائلدارام گور نئجه آغاردی باشیم
داغیلدی باشیمدان یاریم یولداشیم
آراییب آختارمیر قوهوم قارداشیم
بیلمیرم باش آلیب گئدیم هایانا
الیین اوپمه یه گلیرم آنا
...............................
1391 انالارگونو مناسبتی
Ay Ana
Qızıl pərdə açıb qırmızı qünəş
çəkilin buludlar çəkilin yana
illərdi bu anın hısratindəyəm
hayatın nəışəsi yayılsın cana
əliyin öpməyə gəlirəm ana
...............................................
Hələ həsrətinnən sinə dağlıyam
Hələ uşaq kimi sını bağlıyam
Gəlmişəm dərdimi diyəm ağlıyam
Göz yaşı paylyam bütün cahana
Aliyin öpməyə gəlirəm ana
..............................................
Ömrümün yazıda yayıda sən sən
Günəşidə sən sən ayıda sən sən
Tanrının ən böyük payıda sən sən
Dünya bir yanadı səndə bir yana
əliyin öpməyə gəlirəm ana
...............................................
Gecə zülmətini yerə sərəndə
Yuxunu elədin özüyən bəndə
Ağaran zülfüyün açib hörəndə
Dəyişmərəm səni yüzmin canana
əliyin öpməyə gəlirəm ana
............................................
Bir səni sevirəm birdə vətəni
Unuda bilmərəm hayatda səni
Bağışla bağışla bağışla məni
Dədim var gəlirəm sənə dərmana
əliyin öpməyə gəlirəm ana
..........................................
Hanı geçmişdəki ata ocağı
Hanı lay lay səsi ana qucağı
Gözlərimdə tütür uşzqlıq çağı
Onu axtarıram mən yana yana
əliyin öpməyə gəlirəm ana
............................................
Bilməm bunə sırdı bunə həvəsdi
Adın gələn kimi ürəyim əsdi
Sənin məhəbbətli baxışın bəsdi
Özünü bilənə sözü qanana
əliyin öpməyə gəlirəm ana
.............................................
(eldaram ) gör necə ağardı başım
Dağıldı başımnən yarım yoldaşım
Arayıb axtarmır qohum qardaşım
Bilmirəm baş alıb gedim hayana
əliyin öpməyə gəlirəm ana
اویره تمن لرگونو مبارک اولسون
معلم
هله
ده ذهنمین یادداشلارین دا
شیرین خاطره لر آراسینداسان
هله
ده دنیاما افق دان باخان
شافاق اولدوزونون سیراسینداسان
سودالی
کونلومون درین لیگینده
ایزسالیب یاشاییر یاشادیر منی
هر
زامان هر یئرده اوز صحبتیمده
یادیما سالمیشام ، سالیرام
سنی
درین
محبتبن بیر اجاق کیمی
قیشی می باهارا یایا دونده ریب
قارانلیق
گئجه ده بیر کلمه سوزون
ئوزومو گونشه آیا دونده ریب
حیات
دگیشسه ده یئر کوره سینده
سن یاشیاجاقسان اولومسوزسن سن
گئچمیش
لر سایاقی گله جکده ده
بیر سن قالاجاقسان بیرده کی وطن
اول ده
آنامین لای لای سسینه
کورپه کن آچیلسا صحبته دیلیم
(ائلدارین
) بیر داها آچدین دیلینی
اوخویوب یازماقا ای معلمیم
(muəllim)
Hələdə zehnimin yaddaşlarında
Şirin xatirələr arasındasan
Hələdə dünyama ufuqdan baxan
Şavağ ulduzunun sırasındasan
Sevdalı könlümün dərinligində
Iz salıb yaşayır yaşadır məni
Hər zaman hər yerdə öz söhbətimdə
Yadıma salmışam ,salərıam səni
Dərin məhəbbətin bir ocax kimi
Qışımı bahara yaya döndərib
Qaranlıq gecədə bir kəlmə sözön
Üzümü günəşə aya döndərib
Hayat dəyişsədə yer kürəsində
Sən yaşiyacaqsan ölümsüzsən sən
Geçmişlər sayaqı gələcəkdədə
Bir sən qalacaqsan birdə ki vətən
əvvəldə anamın lay lay səsinə
körpəkən açılsa söhbətə dilim
(eldarın) bir daha açdın
dilini
Oxuyub yazmaqa ey muəllimim
قیرمیزی گونش بولوددان چیخار / گویده فیرنیخار ظلمتی ییخار / قیرمیزی گونش
دوغودان قالخار / باتی دا باتار سانماکی یاتار / قیرمیزی گونش زولفونو آچار / داغیدار اوزه نورساچار بیزه / قیرمیزی گونش
بیزاویانمامیش / یوخودان دورار چارداغین قورار / قیرمیزی گونش داغلارین قاری / اری دی گنه آفرین سنه / قیرمیزی گونش www.eldarmaku.blogfa.com
qırmızı qünəş
buluddan çıxar
göydə fırnıxar
zülmətı yıxar
qırmızı günəş
doğudan qalxar
batıda batar
sanmaki yatar
qırmızı günəş
zülfünü açar
dağıdar üzə
nur saçar bizə
qırmızı günəş
biz oyanmamış
yuxudan durar
çardağın qurar
qırmızı günəş
dağların qarı
əridi genə
afərin sənə
qırmızı günəş
آیناز قیزیم باهار قیزیم یاز قیزیم آی منیم آیناز قیزیم قاش قاباغین توکنده ائدیر منه ناز قیزیم ایشیقلانیر گوزلریم سن قاپیدان گیرنده ساچلارینی هورنده کیفیم اولورساز قیزیم منی فرح لن دیریر شیرین شیرین سوزلرین سنین خومار گوزلرین یادیمدان چیخماز قیزیم گون قاپی نی دوینده قیزیم دورار یاتاخدان ائشیکده اویناماخدان دویوپ یورولماز قیزیم گئتمه لی سن مکتبه درسینی دور یاز قیزیم آی منیم آیناز قیزیم آی منیم آیناز قیزیم WWW.ELDARMAKU.BLOGFA.COM
Aynaz qızım
bahar qızım yaz qızım ay mənim aynaz qızım
qaş qabağın tökəndə
edir mənə naz qızım
ışıqlanır gözlərim
sən qapıdan girəndə
saçlarını hörəndə
keyfim olur saz qızım
məni fərəhləndirir
şirin şirin sözlərin
sənin xumar gözlərin
yadımnan çıxmaz qızım
gün qapını döyəndə
qızım durar yataxdan
eşikdə oynamaqdan
doyub yorulmaz qızım
getmalisən məktəbə
dərsini dur yaz qızım
ay mənim aynaz qızım
ay mənim aynaz qızım
آنا - اوشاق آلا چیق دا بیر آنا کورپه سینی ییرقالیر لایلای نین نغمه سی اوره گیمی پارچالیر آرادا بیر گوزونون یاشی دومورجوخلانیر دامجی دامجی توکولور آغ لچه گی ایسلانیر گیزلین اولان دردینی هردن قاتیر لایلایا قارا گونو کده ری اینان کی گلیمر سایا قوش یوخولو کورپه سی گاه آغلاییرگاه گولور یوخویا حسرت آنا آرادا بیر مورگولور بالا یاتیر دینجه لیر تر تمیز یاتاغیندا ساچلارینا دن دوشن آنانین قوجاغیندا www.eldarmaku.blogfa.com ana - uşaq
alaçığda bir ana
uşaqını yırqalır
lailainın nəğməsı
ürəyimi parçalır
arada bır gözünün
yaşı dumurcuxlanır
damcı damcı tökülür
ağ leçəyi islanır
gizlin olan dərdini
hərdən qatır laylaya
qara günü kədəri
inanki gəlmir saya
quş yuxulu körpəsi
gah ağlayır gah gülür
yuxuya həsrət ana
arada bir mürgülür
bala yatır dincəlir
tər təmiz yatağında
saçlarına dən düşən
ananın qucağında
( کندیمیزه قار یاغیر)دنه دنه قار یاغیر کندیمیزین داغینا آغ کپنک لر قونور باغچاسینا باغینا باغلی قالیر کندیمین شهره گئدن یوللاری جلوه لنیر اوزاخدان آلچاق اوجا کوللاری دره تپه چول چمن هر یئر اولوب آغ آپباغ ییرغالاییر قانقالی باشین دا کی آغ پاپاغ کول دیبینده بوزولور کورپه کورپه سئرچه لر گونش دوغ سا اوزونه جانا گه لر دیرچه لر ایسته ییرسیزاوشاقلارباهاربارسیزاولماسین کندیمیزین داغلاری گره ک قارسیز اولماسین لکه سیزدی تمیزدی قیشدا قارلی کندیمیز یازدا گوللو چیچک لی یایدا بارلی کندیمیز www.eldarmaku.blogfa.com (kəndimizə qar yağır ) dənə dənə qar yağır kəndimizin dağına
ağ kəpənəklər qonor bağçasına bağına
bağlı qalır kəndimin şəhrə gedən yolları
cilvələnir uzaxdan alçaq uca kolları
dərə təpə çöl çəmən hər yer olub ağ apbağ
yırğalyır qanqalı başındakı ağ papağ
kol dibində büzülür körpə körpə serçələr
günəş doğsa üzünə cana gələr dirçələr
istəyyrsiz uşaxlar bahar barsız olmasın
kəndimizin dağları gərək qarsız olmasın
ləkəsizdi təmizdi qışda qarlı kəndimiz
yazda güllü çiçəkli yayda barlı kəndiməz
تئللرین
او
مه جمالین اوستونه سالیبدی هاله تئللرین
اوزون ده بیلمه دین منی
قویوب نه حاله تئللرین
سنین ثبوت حسنوه بیر ئوزگه آیت ایسته مز
گوزل لیگین عیارینی چکر
مثـــــــــاله تئللرین
امیدی باغلادیم گلیب او بدرکاملین گوره م
و لیک گوردوم
اوخشادیب گئنه هلاله تئــــللرین
دانیشمیشام صبائیلن تئلین ده شانه گزدیره
دئدیم کی سایبان
اولا ئوزونده خاله تئـــــللرین
منیم ده زندگان لیقیم او تار زولفه باغلیدیر
چکیر اویان بویانه
هی سالیر ملاله تئــــــــللرین
بوساده لیکده دیرمگردیزاوسته هی سوروندوگوم او آن کی دام صیدینی توکور جماله تئــــللرین
بیرئوزگه حالدا باشلانیراو حسنه شعریازماقیم او لحظه لرکی ( ائلداری ) سالیر خیاله تئــــللرین Tellərin o məh cəmalın üstünə salıpdı halə tellərin özündə bilmədin məni qoyub nə halə tellərin sənin sibuti hüsnüvə bir özgə ayət istəməz gözəlligin əyarini çəkər misalə tellarin umidi bağladım gəlib o bədri kamilin görəm və leyk gördüm oxşadıp genə hilalə tellərin danışmışam səbailən telində şanə gəzdirə dedim ki sayban ola üzündə xalə tellərin mənimdə zindəganlığım o tari zülfə bağlıdı çəkir oyan buyanə hey salır məlalə tellərin bu sadəlikdədir məgər diz üstə hey süründüğüm o anki dami seydini tökür cəmalə tellərin bir özgə halda başlanır o hüsnə şer yazmağım o ləhzələrki (eldarı) salır xyalə tellərin mehdi hemmətzadeh - eldar maku
اللر وار ایز سالیب خاطیره لر دفترینه سنده کی حسن جمال ، اللروار گل ایناندیرمنی بوش وعده لره سوزو شیرین لبی بال ، اللر وار اوقده ر زحمته دوزدوم ، گئجه لر کده ره ، محنته ، دوزدوم گئجه لر صبحه تک حسرته دوزدوم گئجه لر هامیسی اولدو خیال ، اللر وار اگر اولسایدی بیر آز هممتی میز ایندی اولمازدی بیزیم محنتی میز بیردوداخ بوزمگیلن صحبتی میز آجی دی اولدو ملال ، اللر وار گوزله مکدن بیرعومورنازلی یاری انتظار، زولفومه یاغدیردی قاری گل ، بو سوداده ثواب ایله باری بو قورو جانی دا آل ، اللر وار کرمی کن صنما ، بار دگر خون دل خوردن ما را بنگر نه جفا ایله دیم عالم ده مگر سنه ای نازلی مارال ، اللر وار دئدین عاشیق گره ک آلامه دوزه باخمیا یاد سوزونه ایری دوزه اوزمان دان بری بیر کلمه سوزه اولموشام گور نئجه لال ، اللر وار بو ملک دیر گوره سن یاکی پری حوسنو حیران ائلییب دیر بشری (ائلدارین) اولدو یامان دردسری یاناغ اوستون ده کی خال ، اللروار www.eldarmaku.blogfa.com
əllər var
iz salıb xatirələr dəftərinə
səndəki hüsni cəmal əllər var
gəl inandır məni boş vəədələrə
sözü şirin ləbi bal əllər var
o qədər zəhmətə dözdüm gecələr
kədərə möhnətə dözdüm gecələr
sübhə tək həsrətə dözdüm gecələr
hamısı oldu xiyal əllər var
əgər olsaydı biraz himmətimiz
indi olmazdı bizim möhnətimiz
bir dodax büzməgilən söhbətimiz
acıdı oldu məlal əllər var
gözləməkdən bir ömür nazlı yarı
intizar zülfümə yağdırdı qarı
gəl bu sovdadə səvab eylə barı
bu quru canıda al əllər var
کرمی کن صنما بار دگر
خون دل خوردن مارا بنگر
Nə cəfa eylədim aləmdə məgər
Sənə ey nazlı maral əllər var
Dedin aşig gərək alamə dözə
Baxmya yad sözünə əyri düzə
O zamannan bəri bir kəlmə sözə
Olmuşəm gör necə lal əllər var
Bu mələkdir görəsən yaki pəri
Hüsnü heyran eliyipdir bəşəri
(eldarın) oldu yaman dərdsəri
Yanağ üstündəki xal əllər var mehdi hemmətzadeh - eldar maku
آهسته آهسته یاز اولدو چشمه لر چایلارآخیر آهسته آهسته بولودلار کوینه گین هردن سیخیر آهسته آهسته دومانلی چنلی چیسکینلی سازاخلی قارلی داغلاردا گوررسن ایلدیریم گویدن چاخیر آهسته آهسته بلور تک چشمه لر چایلارسوزور داشلار یاناقیندان اونا حیرت له مه رولر باخیر آهسته آهسته طبیعت یایلیغین آچمیش گورن یا للعجب سویلور چیچکلرغنچه دن بیر بیر چیخیر آهسته آهسته عجب هنگامه دیر بوردا گلین لی قیزلی اوغلانلی هره اوز زولفونه بیرگل تاخیر آهسته آهسته خمار گوزلو گوزل لرله ائلیم مشهور عالم دیر او گوزلردیر کی (ائلداری)یاخیر آهسته آهسته
AHƏSTƏ AHƏSTƏ - azəricə
Yaz oldü çeşmələr çaylar axır ahəstə ahəstə
Bülütlar köynəyin hərdən sıxır ahəstə ahastə
Dumanlı çənlı çiskinli sazaxlı qarlı dağlardan
Görərsən ıldırım güydən çaxır ahəstə ahəstə
Bilur tək çeşmələr çaylar süzər daşlar yanaqınnan
Ona heyrətlə məhrulər baxaır ahəstə ahəstə
Təbiət yaylığın açmış görən yalələcəb söylür
Çiçəklər qonçədən bir bir çıxır ahəstə ahastə
əcəb həngamədir bürda gəlinli qızlı oğlanlı
hərə öz zülfünə bir gül taxır ahəstə ahəstə
xumar gözlü gözəllərlə elim məşhuri aləmdir
o gözlərdir ki (eldarı) yaxır ahəstə ahəstə
mehdi hemmətzadeh - eldar maku
---------------------------------------------------------------------------------------- Aheste Aheste - türkçe yaz oldu çeşmeler çaylar akar aheste aheste bulutlar küynegın herden yıkar aheste aheste dumanlı çenlı çıskınlı sazaklı karlı dağlardan görersen yıldırım gökden çakar aheste aheste bilur tek çeşmeler çaılar süzer taşlar yanagından ona haıretle meh rüler bakar aheste aheste tabıat yaylıgın açmış güren yalel,aceb süılür çıçekler gonçeden bır bır çıkar aheste aheste aceb hengamedır bürda gelınlı kızlı oğlanlı here öz zülfüne bır gül takar ahste aheste hümar gözlö güzellerle elım meşhürı alemdır o gözler dır kı (eldarı) yakar aheste aheste mehdı hemmatzadeh - eldar maku
(قوربانین اولوم)
چوخ گوزل باشلامیسان نارگیله قوربانین اولوم
هامی میز وئرملی ییک ال اله قوربانین اولوم
اومیدیم وار گله جک ده چاتاسان زیروه لره
دوشه سن ائللر ایچینده دیله قوربانین اولوم
شعرالهام دی اورک نغمه سی دی موسیقی دی
هم بمه کوکله اونو هم زیله قوربانین اولوم
شعربیرباغچادی کی میوه سی قورتولمازاونون
یغاسان بیر دانا یا بیر سئله قوربانین اولوم
چوخ بیلن یاخشی یازار یاخشی دئیر سوزلرینی
کی گره ک یازماغا انسان بیله قوربانین اولوم
سنده ائل گولشنی نین نازلی گوزل بلبلو سن
شوقیله قونمالی بلبل گوله قوربانین اولوم گوج ایلن شعریازیلمازگره ک احساسین اولا زحمتین اولمویا تا نافیله قوربانین اولوم گنه یاز اهلی اونو تئز اوخویار تحویل آلار
قدرده اولسا اگر بیر گیله قوربانین اولوم
ائلی مین فخرینه لایق گوره رم اوندا سنی
عالمه سالسان اگر ولوله قوربانین اولوم
اولکه میزده او قده ر شعریازان واربیلیسن
تئز چیخار یوزمه بیلن ساحیله قوربانین اولوم
(ائلدارین ) باش تاجی دیر اوز دیلینه خدمت ائدن
حرمتی چوخدوبوشیرین دیله قوربانین اولوم
کاسیب لیق
هارا گئتسم ساتاشیرسان گوزومه
عارسیز عارسیز ایشاریرسان اوزومه
اوشاق لیقدان یاماغ اولدون دیزیمه
داش یامانسین بئله اوزه کاسیب لیق
طالع قوشو قونمامیشدان باشیما
سفره میزده نخود اولدون آشیما
نه دئییرسن قاریشیر سان ایشیمه
اوره گیمی اوزه اوزه کاسیب لیق
دولت لی نین باجاسی نی تانیما
جوانی نی قوجاسی نی تانی ما
سوزلری نین هجاسی نی تانیما
آزدیریب لار سنی بیزه کاسیب لیق
کولگه کیمی چکیل میرسن یانیمدان
بئزدیریب سن منی شیرین جانیمدان
یول سالیب سان ایلیگیمدن قانیمدان
چوکدوروب سن منی دیزه کاسیب لیق
بو دوسلوقون کیمه واردی فایداسی
دولوب داشیر صبیری مین بایداسی
نه چتین دی یولداش لیقین قایداسی
یاخشی پیسه گره ک دوزه کاسیب لیق
هارا گئتسم عنوانی می بیلیرسن
طالعیم ده یازی لانی سیلیرسن
گئجه لری یوخومادا گلیرسن
کهنه دردیم اولور تزه کاسیب لیق
سوخولان دا پنجره ده باجادان
آلچاخلیقین هارای چکیراوجادان
ال چکمیرسن منیم کیمی قوجادان
هی سالیرسان اودا کوزه کاسیب لیق
یاتمیش بختیم دورمادی کی دورمادی
کاسیب لیقین قولاغینی بورمادی
ظالیم یاردا خبر آلیب سورمادی
دوداغینی بوزه بوزه کاسیب لیق
بو دنیانین سیناقین دان گئچنده
منیم کیمی فاغیرلاری سئچنده
(ائلدار) اوچون بو خلعتی بیچنده
کاش گلیدین یامان گوزه کاسیب لیق
بو گئجه
آییغام خاطیره لر خاطیرینه
یوخو بیگانه دی مندن بوگئجه
گوزلورم بلکه بوگون آی گورونه
آی کوسوبدور ندی مندن بوگئجه
بونه افسانه دی مندن بوگئجه
-------------------------------
نه سکوت ایچره یاتیپ دیر دره لر
نه قارانلیق دی بوگون پنجره لر
بو پریشان لیقا شن خاطیره لر
غملی بیر شانه دی مندن بوگئجه
بونه افسانه دی مندن بوگئجه
---------------------------------
گورن افسون ائله ین کیمدی بیزی
پوزدو گئچمیشده قالان هربیر ایزی
گئجه نین ذکری ، خیالین دنیزی
ده لی دیوانه دی مندن بوگئجه
بونه افسانه دی مندن بوگئجه
---------------------------------
مات قالان کلمه دی سوزدو هجه دی
(ائلدارا ) هر گئجه بیر بیلمه جه دی
خیالین دی ، قاراگوندو ، گئجه دی
اوچو یان یانه دی مندن بوگئجه
بو نه افسانه دی مندن بوگئجه
-----------------------------------
www.eldarmaku.blogfa.com
bu gecə
ayiğam xatirələr xatirinə
yuxu biganədi məndən bu gecə
gözlürəm bəlkə bu gün ay görönə
ay küsübdür nədi məndən bu gecə
bu nə əfsanədi məndən bu gecə
-------------------------------------
nə sikut içrə yatıbdır dərələr
nə qaranlıqdı bugun pəncərələr
bu pərişanlığa şən xatirələr
ğəmli bir şanədi məndən bu gecə
bu nə əfsanədi məndən bu gecə
--------------------------------------
görən əfsun elyən kimdi bizi
pozdu geçmişdə qalan hər bir izi
gecənin zikri xiyalın dənizi
dəli divanədi məndən bu gecə
bu nə əfsanədi məndən bu gecə
-------------------------------------
mat qalan kəlmədi sözdü həcədi
eldara) hər gecə bir bilməcədi)
xiyalındı qaragündü gecədi
üçü yanyanədi məndən bu gecə
bu nə əfsanədi məndən bu gecə mehdi hemmətzadeh - eldar maku
---------------------------------------
( نه اوخویوم سیزلره )
اوره کلرین بوزا دونموش چاغیندا سارماشیق تک ساریلمیشام دیزلره گزمک اولمور محبتین باغیندا نفرت توزو سپه لنمیش اوزلره الی بوشام نه اوخویوم سیزلره **** باش قاریشیب بودنیانین مالینا بو گئدیش له کیمسه باخمیر دالینا ای وای اولسون انسانلارین حالینا ایره تی لر دوداخ بوزور بیزلره الی بوشام نه اوخویوم سیزلره **** یولداش دئسه یولداشینا سوزونو ناحاق یئره درده سالیر اوزونو قان توتوبدو انسانلیقین گوزونو ایزایتیبدی قاریشیب دی ایزلره الی بوشام نه اوخویوم سیزلره **** بیریئرده کی یاددان چیخدی یارادان وجدان سسی گله بیلمز اورادان گوتورولسه حیا حرمت آرادان قدیر قیمت وئره ن اولماز سوزلره الی بوشام نه اوخویوم سیزلره **** دوزلوگ اوخو داشا ده ین زاماندی نامرد الی مردی اه ین زاماندی ائل دردینی (ائلدار) دئین زاماندی دوغمالاردا یاد اولوبدو بیزلره الی بوشام نه اوخویوم سیزلره www.eldarmaku.blogfa.com
( چال عاشیق ) سازی گوتور مجلسی قور چال اوخو صحبت ائله مجلیسه وئر حال اوخو قلب لره بیر داها ایز سال اوخو بولبوله چال سنبله چال یازدا چال سازی گتیر سازی گتیر سازداچال باغریوا باس اوخشاگیلن تئللری هایلا او ایتگین سورونن ائللری تئلده دانیشدیر اوسوسان دیللری دردیمیزی سازیله آوازدا چال سازی گتیر سازی گتیر سازدا چال بیر ساری تئل چال آرادان سیل غمی چال کشیش اوغلو ،کرمی ، دیلغمی اوندا سیله رسن، گوزوموزدن نمی چوخلو دانیشدیق بیزه بیرآزداچال سازی گتیر سازی گتیرسازداچال بم ده دانیش دیر سازی قوزان زیله قویماگیلن غصه یئته حاصیله بیر هاواچال قوی دوشه دیلدن دیله عشوه ده چال غمزه ده چال نازدا چال سازی گتیر سازی گتیر سازداچال یاده سالان دا او پری زاده نی دوز قدحی توک ایچینه باده نی مست ائله بو عاشیقی دلداده نی غم لریمی شوریله شهنازدا چال سازی گتیر سازی گتیر سازدا چال قوی یاییلا هر طرفه ساز سسی عالمی تسخیر ائله سین نشئه سی الهامی مین قایناغی دیر نغمه سی توره تجلایه گل ، اعجازدا چال (ائلدار) اوچون سازی گتیر سازداچال ساری تئل ، کشیش اوغلو، کرمی ، دیلغمی = ساز هاوالاری دیلار www.eldarmaku.blogfa.com
غزلدی شاعیر سوزونون اینجی سی مرجانی غزلدی عشقی ، هوسی ، سئوگیلی جانانی ، غزلدی یار عشوه سینی ، نازینی ، تصویره چکنده هر بیت ده ، خوش خاطیره عنوانی غزلدی اول لحظه کی عشق عالمینه لرزه سالیر سوز سوز مولکونون عالمده کی سلطانی غزلدی سوزلرده ، یاغش مثلی ، قلمدن سوزولنده نظمه دوزولن ، گوهر غلطانی ، غزلدی یار زولفو خیال پرده سینه کولگه سالاندا آشفته لیگین ، زلف پریشانی ، غزلدی شعریله اگر ، قلبلره یول سالا ن اولسا هر درده گرفتار اولا ، درمانی غزلدی گل حسنونه ئوز بلبلو قیمت وئره جکدی ( ائلدار ) دئکی شعرین ده گلستانی غزلدی www.eldarmaku.blogfa.com
وطن
ای مقدس توپراغیم ، ای مهد ایمانیم ، وطن قوی فدا اولسون سنین اوغروندا بو جانیم وطن
سن ایگیتلر بسلیین مردان لیکلر یوردوسان اولماسین سن سیز منیم بیر لحظه بیر آنیم وطن
دنیادا سارسیلمیان ، شانیم وقاریم سان منیم اول سبب دن دیر دیلیمده اولموش عنوانیم وطن
عزتیم ، حریتیم ،عشقیم ، وطن دیر شبه سیز اعتباریم ، افتخاریم ، شهرتیم ، شانیم ، وطن
گروطن اوغروندا ئولسم دشمنه باش ایمه رم اورگه دیب گهواره ده ، بو حکمی قرآنیم وطن
(ائلدارام) هرهاردااولسام باغلیام ئوزیوردوما وارلیقیم سان سنده دی دوز عهد پیمانیم وطن
www.eldarmaku.blogfa.com
اوشاق شعرلرینی اوخوماق اوچون ادامه مطلبه کلیک ائدین
ادامه مطلب
سنده حسرتده سن منده حسرتده
آی منیم دیواردان آسیلان
سازیم
سنده حسرتده
سن منده حسرتده
گولوم گولوستانیم
باهاریم یازیم
سنده حسرتده
سن منده حسرتده
یورولدوخ یوللاردا یولاباخماخدان
ساغی گوزله ماخدان سولا باخما خدان
دوزومون
بارداغی دولا باخماخدان
قورتولمور کدرده غم ده
محنت ده
سنده حسرتده
سن منده حسرتده
هایلیرام
هاییما های وئره ن اولمور
بیر گولوش دوداخدان پای وئرن اولمور
الینی الیمه
دای وئره ن اولمور
چاره سیز قالمیشیق
دردده ییک دردده
سنده حسرتده
سن منده حسرتده
تویدا ییغیناخدا
گورمورم سنی
پوزدولار
ایلقاری عهدی وعده نی
کیم قوردو
بوتورو کیم سپدی ده نی
بونون بیر عیللتی
واردیر البته
سنده حسرتده سن
منده حسرتده
فرهاد
قایالاری چاپاندان بری
سل سارانی ائلدن
قاپاندان بری
ائله آیریلیخ
یول تاپاندان بری
یاد اوزون
بوزاردیر یارا خلوتده
سنده حسرتده
سن منده حسرتده
دردیمی دردیوه قاتماخ
ایستیرم
غصه نی کدری آتماخ
ایستیرم
سنیله باش باشا
چاتماغ ایستیرم
اوخشویام دیندیرم سنی
خلوتده
سنده حسرتده سن منده
حسرتده
((ائلدارین))
وارلیقی دیلی دیر دیلی
اودور کی
سیزیلدیر سازی نین تئلی
بیرلیگه
چاغیریر اولکه نی ائلی
آران دا
یایلاخ دا شهرده کتده
سنده حسرتده
سن منده حسرتده مهدي همت زاده (ائلدار) --- WWW.ELDARMAKU.BLOGFA.COM
داشلي شَهَر(ماکو)
أيري هوندور قايا قوينون دا ياتان مرد ايگيت لر يوواسي داشلي شَهَر
بشگوزيندن اوزانيب سايتاچاتان ايستي قانلي باجي قارداشلي شَهَر
گوزتيکيب داغلاريناآغري داغي چيرکيني اولارين اولموش ياتاغي
زميسي بستاني هر باغچا باغي گول لو بولبول لو قلم قاشلي شَهَر
سحراولجاق گونشي ميلده گورن گئجه اولدوزلاري قنديل ده گورن
جور بَجورحادثه لر ايلده گورن اوجا همت لي وطن داشلي شَهَر
يازدا بولدور ياغيشي قيشدا قاري سئل سويو گلسه يويار زنگماري
چايلاري چولده کي زنگين داماري صونالي قازلي ياشيل باشلي شهر
گون دؤشن ده اوجا داغلار باشينا چَکَه ر انساني قليش لانميشي نا
سويکه نيب داغ داغينا داش داشينا سيلد ريملي قايا لي داشلي شَهَر
فيکرآزيب داغداکي داشدان دانشير شَهَره سرريني باش دان دانيشر
قالاسي قانلي ساواشدان دانيشير گئچميشيندن گوزو قان ياشلي شَهَر
تاريخين اورنَگي دي داغ دره سي سيلديريم لي قاياسي بند بره سي
ياشايير چالدرانين خاطيره سي چالدران دؤزلو قزلباش لي شَهَر
قايادي داغدي چايردي کيره دي (ائلدارا) هربيري بير خاطيره دي
جانلي بيرتابلودوخوش منظره دي قرميزي لاله لي خاشخاشلي شَهَر
مهدي همت زاده (ائلدار) --- WWW.ELDARMAKU.BLOGFA.COM
داغلار
باهار بايراميندا ياز آي لاريندا چوخ اولار چوللرده قوناغين داغلار
آچاندا لاله لر ساري قيرميزي قيزارار هر زامان ياناغين داغلار
گويده کي بولوتلار جولان ائدنده سولار جيغير ساليب آرخا گئدنده
گورکمين کونلومو سالدي کمنده هه له ده آغارير پاپاغين داغلار
دوشونده ايز ساليب آينا بولاغلار دينجه لير قوينوندا آلما ياناغلار
آسلانار قنديلدن گوموش چيراغلار سوننده گويده کي چيراغين داغلار
يايي لير هر يانا کهليگين سسي تئل لرين ده گزير يئلين نفسي
آرتيرير انسان دا عشقي هوسي بير بير اوخوندوقجا وراغين داغلار
مله سين قوزولار گون اورتا چاغي بول اولسون ائل لرين کره سي ياغي
مارال لار مکاني طرلان اويناغي اوچولار توتسونلار سوراغين داغلار
اوبالار يورتلاردا قورولان زامان چادر بير بيرينه سويکه نير يامان
اته گين ده سنبل باشين دا دومان بولوت لار قوينون دا ياتاغين داغلار
خيالين ده نيزي آشيب داشان دا سوگي سوگي سيله حلال لاشان دا
عاشيقلر وصفينده نغمه قوشان دا ائشيديب سس لنسين قولاغين داغلار
قار بوران قدديوي اگه بيلمه دي بلکه ده خطريوه دگه بيلمه دي
(ائلدار) نيسکيل لري دييه بيلمه دي ايسته دي چاغ اولسون داماغين داغلار
مهدي همت زاده ( ائلدار) – www.eldarmaku.blogfa.com
ايضاحلار:
جيغير = سويون آچديقي يول . گورکم = فارسيجا دورنما . پاپاغ = بورک ( کلاه )
بيزيم ائللرده
دومانلي چيسکينلي وقارلي داغلار بيزيم ائللرده دي بيزيم ائللرده
ياشيل اکنيک لرباغچالارباغلار بيزيم ائللرده دي بيزيم ائللرده
سحيرلي بارماقلار هنرلي ال لر
کليم لر خالچالار ناخيشلارگول لر
توپراقدا کوک سالان ساري سنبل لر بيزيم ائللرده دي بيزيم ائللرده
چال چاغير قوناقليق قوناقا حرمت
احساسلي باخيشلار درين محبت
شرافت صداقت شجاعت غيرت بيزيم ائللرده دي بيزيم ائللرده
حيالي حرمت لي نجيب انسانلار
گوزل- گوزل قيزلارايگيت اوغلانلار
ستارخان باقرخان حسين باغبانلار بيزم ائللرده دي بيزيم ائللرده
آرازآرپاچايي سارا خان چوبان
قوچاق نبي کيمي بويوک قهرمان
دًوزوعده دًوز ايلقارعقيــده ايمان بيزيم ائللرده دي بيزيم ائللرده
مهدي همت زاده (ائلدار) --- WWW.ELDARMAKU.BLOGFA.COM
ژیان
خلق گئدیرپولون وئریربنزه پژویاپیکانا منده گئدیب یخیلمیشام الده ئولن بیرژیانا
فیکیرلشنده آزقالیرجسم آلیشااوره ک یانا بویوک خطاائدیپ گلیب سنه گول اولدوم آی ژیان
آخردا اودتوتوپ یانیب عجب کول اولدوم آی ژیان
یول یئریینده تاپدانیرتاققا یینده دیسکینیر تریلی نی گورن کیمی یازیق پیشیک کیمی سینیر
ساحات باشی خراب اولورجلولویوب منی مینیر شماتت آلتدا قالمیشام سنین الینده آی ژیان
اوچ آی یاریم گئچیب هله سنین ایلیندن آی ژیان
اوزیوخاری چیخان زمان توستووئریر زاریلدییر چیگین لرین آتیب توتور قارقاکیمی قاریلدییر
یوکوشدادنده ایستییردنده لری خاریلدییر یاری جان ایلدین منی ندیرمرامین آی ژیان
سنه وئره ن امکلریم اولارحرامین آی ژیان
ایچدیلرآند اللها کتابا مکتبه دینه- تعریفلیوب- تعریفلیوب ساتدیلا یددی یوزمینه
اوگون بوگوندو دوشموشم فلاکته یامان گونه گونده بیری قورتدالیور اویان بویانین آی ژیان
منم کی هرگون چکیرم ضرر زیانین آی ژیان
نه حاله قالمیشام منی خانیم داائوده دانلیور آنام بویاندا مرتدانیر اوشاخ اویاندابانلیور
آتام داهردن هئسله نیرمنی سویوب یامانلیور ائویمه ده گئدنمیرم ایندی عاریمدان آی ژیان
آزجاقالیپدی ال اوزم هرنه واریمدان آی ژیان
گئدیردیم اورمویا مگرگئدنده یولدا قویمادین؟ من یازیقی سن آپاریپ غریبه یئرده سویمادین؟
نه وارس ااوردا خشله دیم جبیم بوشالدی دویمادین باخ ایندی مفلس اولموشام سنین اوزوندن آی ژیان
هرنه یی آرتیق گورورم سنین گوزوندن آی ژیان
یایین گونونده قیزدیریب سویوخدا قاردا یانمادین باخاندابنزه پیکاناحیا ائدیب اوتانمادین
اورمو یولوندابیرسنیق لندوری توتانمادین یادیندادی خاموش اولوب قوشچوداقالدین آی ژیان
یولداسوپاپ ووروب منیم جانیمی آلدین آی ژیان
صبرائلیوب دایانمیشام بوگونلره ئولوم ظولوم چوخ گون اولوبدوبیرقئران جبیمده قالمیوب پولوم
بیراسکیگین قالیبدی سا نسیه کی وار گئدیم بولوم آلماقیناآلیم ،آمایوخدوتاپیلمیرآی ژیان
کهنه سی واردی ایشله میر نودا یاپیلمیرآی ژیان
اوزومدن آرتیق آی بالام یئتیش میرم مگرسنه دئدین تگرسیزم گئدیپ من آلمادیم تگرسنه
بوایل یاریمداپسلیگیم دگیپدیسه اگرسنهاوندا واریندی پیسلیگه سنین ده حاققین آی ژیان
بوش یئره دی یوخساسنین بوتاققاتاقین آی ژیان
دئدین کی بلکه من هله خزانه اوسته یاتمشام؟ واریم باش گوتوروپ گئدیرپولون ایچینده باتمشام؟
منه کی خیرین اولمادی سنی ده گوزدن آتمشام منیم ده خوش گونلریمی عجب قاراتدین آی ژیان
دردسریم چوخ آزیدی سنده یاراتدین آی ژیان
آزمنی خرجه سالگیلن اینان یوخومدوبوشلویام بورجون الیندن آزقالیب دوشم یئره ناخوشلویام
علاج قالیب ساتام سنی،ساتیلماساندا ، بوشلویام دگرسه دگسین عیبی یوخ منه خسارت آی ژیان
باغشلاها اولدوسنه بویوک جسارت آی ژیان
اوره ک سوزوم کیمه دئییم ال اوزادیم کیمه ساری طلب کاری گوره ن زمان حیا ائله اوتان باری
گوزوم گورنده نقاشی مکانیک ایله صافکاری یا اوردابوردا گیزله نیب یا دالدالاندیم آی ژیان
جبیم ده یوخدو بیرقئران اینان تالاندیم آی ژیان
بونه ادادی بیلمیرم فرض ایله کی یادام سنه باری خجالت ایله مه میننده بیرآدام سنه
گوجنمه دورمایول یری مگردییپ قادام سنه چوخلوچیغیرباغیرسالیپ کیشنه مه بسدیرآی ژیان
آز اوزویون زحمته سال باش گوزون اسدیرآی یان
حقیقتاً اودوزموشام تمام ملک واریمی اونابوناباش ایدیریپ پوزوپسان اعتباریمی
حیف گورنمه دین منیم سولان بو گلعذاریمی ((ائلداری)) سن ایچه ریدن ییوپ قوتاردین آی ژیان دوستلا دشمن ایچره سن آبرین آپاردین آی ژیان
www.eldarmaku.blogfa.com
| 
